Qəzetimizin ötən sayında basketbol üzrə Avropa çempionatının 1/4 final oyunlarının nəticəsini nəzərinizə çatdırmışdıq.

Nə qədər gözlənilməz olsa da, bu mərhələnin son oyununda qitə çempionu Sloveniya Polşaya uduzdu. Sloveniyalıların oyun qurucusu, bu oyunda cəmi 14 xal toplayan Luka Donçiçin məğlubiyyətlə bağlı fikirləri: “Bəlkə də 100 faiz hazır deyildim, mənə iynə vurdular, ancaq məsələ bunda deyil. Çox pis oynadım, komandamın ümidlərini puç etdim. Bizi dəstəkləyən ölkəmizin ümidlərini doğrultmadıq. Bu mənim günahımdı.

Bu oyunu təhlil edəcək və daha yaxşı olacam. Qitə birincilini izləmək maraqlı idi. Daha da irəliləyə bilmədiyimizə görə məyusam. Ancaq düşünürəm ki, bu Avropa çempionatı xüsusi və qeyri-adidi. Burda bir çox yaxşı komanda var idi. Əksəriyyət bizi favorit sayırdı. Ancaq Belçika kimi Polşanın da yaxşı yığması var. Polşalıları təbrik edirəm, ilk dəqiqələrdən möhtəşəm oyun göstərdilər. Bu onlar üçün böyük uğurdu”.

Yarımfinal

Almaniya – İspaniya ???
Polşa - Fransa ???