“Bəli, həqiqətən də adı çəkilən hakimlər əslən tovuzludu. Lakin onlar peşəkar hakimdilər. Oyunun nəticəsinə təsir edən hansısa qərar da verməyiblər. Məsələn, Rəşad Əhmədov “Mingəçevir”in oyunlarını idarə edə bilməz. Çünki onun atası klubun idarə heyətində təmsil olunur. Yenə qeyd edirik ki, adı çəkilən referilər peşəkardılar. Onlar hansısa qərəzli qərarlar verəcəkləri halda hakim-inspektorların qərarı ilə cəzalana bilərlər. “Turan Tovuz” - “Kəpəz” oyununda bu hal baş vermədiyi üçün görüşün hakimliyi ilə bağlı nəyisə qabartmaq düzgün deyil. Hamıya bəllidi ki, Əliyar Ağayev bakılıdı. O zaman gərək bu hakim premyer-liqa matçlarının çoxuna təyinat almasın. Çünki çempionatda 4 klub paytaxtı təmsil edir. Bir daha vurğulayaq ki, hakimlər hansısa qərəzli qərar qəbul edərkən hakim-inspektorlar məsələyə müdaxilə edir. Onlar öz qeydlərində referilərin tərəfkeşlik etdiyini vurğulayır. İndiki məqamda bu məsələ o qədər də problemli deyil”.

“Mingəçevir”in əsas fanklubu “Zona 45”in rəhbəri Elnur Qasımov məsələ ilə bağlı öz “feysbuk” səhifəsində paylaşım edib. Görəsən, azarkeşin iradları nə dərəcədə doğrudu? Məsələ ilə bağlı Hakimlər Komitəsinin mövqeyi belə oldu: “İkinci komanda başqa, U-19 başqa. Burda hakimə müdaxilə edəcək kimsə yoxdu. Yenə qeyd edək ki, Kamran Əliyev peşəkar hakimdi. Onun qərarları ilə bağlı mənfi məqam olarsa, hakim-inspektorlar bunu qeyd edəcəklər. İndiki halda hansısa mənfi situasiya yoxdu”.