Bu gün Misli premyer-liqasının 5-ci turunda 2 oyun keçirilib. "Zirə" "Qəbələ"ni, "Sabah" "Səbail"i qəbul edib.

Masazırda baş tutan "Sabah" - "Səbail" görüşündə hesab açılmayıb. "Dalğa Arena"dakı qarşılaşma meydan sahiblərinin qələbəsi ilə başa çatıb - 2:1.

Misli premyer-liqası
1-ci dövrə, 5-ci tur

4 sentyabr
Zirə - Qəbələ 2:1
Qollar: Rəhim Sadıxov, 45, 74 - İsnik Alimi, 35
“Zirə”nun bu rəqiblə ev oyunlarının balansı: 14:+4=5-5, 12-15.
2015/16 - 1:0, 0:3; 2016/17 - 0:2, 2:2; 2017/18 - 2:1, 1:1; 2018/19 - 1:0, 1:1; 2019/20 - 1:1, 1:2; 2020/21 - 2:0, 0:0; 2021/22 - 1:2, 0:3.
Cəzalı: yoxdu.
“Futbol+”in proqnozu: 30-40-30.
Hakimlər: RAUF CABBAROV, Cavanşir Yusifov, Müslüm Əliyev, Kamranbəy Rəhimov.
Hakim-inspektor: Anar Salmanov.
AFFA nümayəndəsi: İlham Əliyev.
Zirə. İdman Kompleksinin stadionu. Saat 20.30

Bu qarşılaşmanı həftənin ən maraqlı görüşü adlandıra bilərik. Ötən mövsüm bürünc medalları qazanan “Zirə” cari “futbol ili”ndə də eyni uğru təkrarlamaq niyyətindədi. Çempionata yaxşı başlamayan “qartallar” “Qəbələ” üzərində qələbə qazanaraq vəziyyəti düzəltmək istəyir. “Qırmızı-qaralar” isə ardıcıl üç qələbədən sonra ötən tur doğma meydanda “Sabah”a uduzdu. Elmar Baxşıyevin rəhbərlik etdiyi kollektiv 3-cü pilləni əldən verməmək üçün bu görüşdə də qələbə qazanmaq arzusunda olacaq. Matçın favoriti yoxdu. Qarşılaşmanın heç-heçə bitəcəyi daha real görünür.
Komandalar Azərbaycan çempionatında 27 dəfə münasibətləri aydınlaşdırıb. Bu görüşlərin 5-də “Zirə”, 9-da “Qəbələ” qalib gəlib. 13 oyunda isə heç-heçə qeydə alınıb. Topların nisbətində də bölgə təmsilçisi öndədi - 32:22.

Sabah - Səbail 0:0
“Sabah”ın bu rəqiblə ev oyunlarının balansı: 8:+4=2-2, 9-7.
2018/19 - 0:4, 3:1; 2019/20 - 3:0, 0:0; 2020/21 - 2:1, 0:0; 2021/22 - 0:1, 1:0.
Cəzalı: yoxdu.
“Futbol+”in proqnozu: 40-30-30.
Hakimlər: NİCAT İSMAYILLI, Pərvin Talıbov, Kamran Bayramov, Cavid Cəlilov.
Hakim-inspektor: Orxan Məmmədov.
AFFA nümayəndəsi: Rüfət Əmirov.
Masazır. “Bank Respublika Arena”. Saat 18.00

Paytaxt derbisinin favoriti meydan sahibləridi. “Bayquşlar” 4 oyunun hamısında qələbə qazanıb. Murad Musayevin komandası cari mövsüm iddiasını ortaya qoyub və bunu hər oyunda sübut edir. Mahmud Qurbanovun gəlişindən sonra yenidən formalaşan “Səbail” isə ilk qələbəsini ötən tur əldə edib. “Dənizçilər” bu görüşdə də qalib gəlib həm lideri büdrətmək, həm də uğurlu seriyanı davam etdirmək niyyətindədi. İstənilən halda, “Sabah”ın bu qarşılaşmanın favoriti olduğu hər kəsə bəllidi.

Azərbaycan çempionatlarında indiyə kimi 15 paytaxt derbisi keçirilib. Bu görüşlərin 7-də “bayquşlar”, 5-də “gəmiçilər” qələbə qazanıbsa, 3-dəqalib müəyyənləşməyib. Topların nisbətində də “tələbələr” öndədi - 18:13.