“Vaci komanda üçün mübarizə aparan çox sürətli hücumçudu. Fırıldaqçı deyil və universaldı. 2018-ci ildə “Heqesunn”a gələndə əvvəlcə sağ cinahda çıxış etdi, lakin baş məşqçi onu sonradan mərkəz hücumçusu kimi oynatdı. 12 matçda 8 qol vurdu

4-4-2 sxemində o, İbrahima Kone ilə öndə oynadı. İkisi birlikdə çox yaxşı işlər gördülər. İbrahima bu mövqedə top-hücumçu kimi çıxış etdi. Vaci taktiki və texniki cəhətdən “Heqesunn”da pis deyildi, ötən yay da “Qarabağ”da inkişaf edib. Onunla dost olduğum üçün hərdən “Qarabağ”ın oyunlarına baxıram. Texniki cəhətdən son nöqtəni qoymaqda artırıb. Vacinin çox güclü sağ ayağı var. Düşünürəm ki, o, “Sent-Etyen”ə kömək edəcək biridi. İki həftə əvvəl bu komanda ilə bağlı məsləhət almaq üçün mənə zəng etdi. Yəqin ki, bu klubun liderləri ilə də müzakirə edib. Mənə dedi ki, Fransada heç vaxt oynamadığı üçün şansını orda sınamaq istəyir. Loik Perrin və Loren Batllz ilə yaxşı münasibətləri var idi. Məncə, bu səbəbdən “Sent-Etyen”ə gedir. Klubdakı mövcud vəziyyətə baxmayaraq, Vaci ilə danışanda çox tərəddüd etdiyini hiss etmədim. Komandanın Liqa 2-də sonuncu yerdə olması onu incidir. 0:6 hesablı məğlubiyyətdən sonra hələ də ora getmək istəyib-istəmədiyini soruşdum. Mənə dedi ki, bu səviyyədə böyük klub belə görmək onu narahat edir. Amma bu, onu ora getməkdən çəkindirmədi. Düşünürəm ki, İbrahima “Sent-Etyen”in düz yola çıxmasına kömək edəcək”.