Beləliklə, “Qarabağ” son illərdəki ən böyük oyunçu satışlarından birini həyata keçirmək ərəfəsindədi. Əlbəttə, söhbət İbrahima Vacinin “Sent-Etyen”ə transferindən gedir. 27 yaşlı seneqallı hücumçu şənbə günündən Fransadadı. Fransa mənbələrində yer alan xəbərlərdən belə aydın olur ki, onqat ölkə çempionu son üç həftədə bu keçidin detalları üzərində işləyib. Sirr deyil ki, Vacini “yaşıllar” Konfrans Liqasının ötən mövsümündə - “Qarabağ”la “Marsel” arasındakı duellərdə bəyənib. İdman direktoru Loik Perrenlə baş menecerin müavini Samuel Rüstəm o vaxtdan seneqallının adını qeyd dəftərçəsinə yazıb.
Transfer məbləğinə gəlincə, yenə də həmin Fransa mənbələri “Sent-Etyen”in “Qarabağ”a milyon avrodan bir qədər artıq puı ödəyəcəyini yazırlar. Maraqlıdı ki, müqavilədə Ağdam klubu üçün müəyyən bonuslar da nəzərdə tutulub. Vaci müqaviləyə ya sabah, ya da çərşənbə axşamı imza atacaq.