Kilian Mbappe və Neymar arasındakı problem yoluna qoyulub. PSJ-nin müdafiəçisi Serxio Ramos komanda yoldaşlarının barışmasında köməklik göstərib.

Bir müddətdi ki, Neymar və Mbappe arasında münasibətlər nəzərə çarpacaq dərəcədə pisləşib. Hətta 23 yaşlı hücumçunun Neymarın satılması üçün PSJ rəhbərliyinə müraciət etdiyi də söylənilir. “Le Parisien” qəzetinin yazdığına görə, Neymar ilə Mbappe klubun idman direktoru Lukas Kampuşla görüşüblər. Bu görüşün təşəbbüskarı isə Ramos olub. İspan futbolçu belə addım atmaqla vəziyyətin həllinə köməklik edib.