“Bizim azarkeşlər üçün “E” sektoru nəzərdə tutulub. Oyuna qatılmaq istəyənlər oyunun başlama saatından (20.00) 2 saat əvvəl stadiona yaxınlaşmaq lazımdı, sektorun girişində “Qarabağ”ın nümayəndəsi bilet almaq istəyənləri gözləyəcək. Bilet almaq üçün mütləq ümumvətəndaş (xarici) pasportunuzu göstərib, biletinizi ala biləcəksiz (klubdan biletin qiymətinin 10 avro ətrafında olacağını qeyd etdilər, məncə, forint ilə də ödəniş etmək olacaq).
Klubda 400-500 ətrafında bilet olacaq, ona görə düşünürəm ki, qatılmaq istəyən hər kəsə bilet çatacaq. Həmin sektorun qarşısında bizim azarkeşlərin təhlükəsizliyini təmin edəcək polislər olacaq, ancaq yenə də təhlükəsizlik baxımından “E” sektorunun qarşısından öncə başqa bir yerdə (metro, dayanacaq və stadion ətrafında) qrup şəklində toplaşmamağı tövsiyə edərdim. Hamının elə “E” sektoruna yaxınlaşıb, biletləri əldə edəndən sonra ayrılmış yerə getmək məsləhətdi. Hər kəsə uğurlar”.