“Çox gözəl, yaddaqalan bir gün oldu. Qubanın Gənclər və İdman İdarəsinin rəhbərliyi, icra hakimiyyətinin əməkdaşları “Neftçi” veteranlarını çox gözəl qarşıladılar. Əvvəlcə gözəl çay süfrəsi ətrafında əyləşdik, Quba paxlavasının dadına baxdıq. Bir qədər istirahət etdikdən sonra yerli veteranlarla matça çıxdıq. Mini-futbol meydançasında baş tutan, xeyli sayda azarkeşin izlədiyi görüş belə qarşılaşmalara xas hesabla başa çatdı - 5:5. “Neftçi” veteranlarının heyətində məndən başqa Novruz Əzimov, Əfqan Talıbov, Asif Əliyev, Əsgər Abdullayev, Nurəddin Əliyev kimi vaxtilə yaşıl meydanlarda sözünü demiş futbol veteranları yer almışdı. Təşkilatı işlərdə danılmaz əməyi olan Əliyevi də də unutmaq olmaz. Uzun illər hakim kimi, klub funksineri kimi ölkə futboluna xidmət etmiş Akif müəllim hər xırda detalı nəzərə almışdı ki, ortaya heç bir çətinlik çıxmasın. Matçdan sonra həm yerli, həm də Bakıdan gedən veteranların şərəfinə ziyafət təşkil olundu. Tədbirdə keçmiş günləri xatırladıq, nostalji hissələrə qapıldıq. Bir sözlə, əla, maraqlı bir gün oldu”.