"Əsas odu ki, forma, loqo üçün kişi kimi mübarizə aparsınlar, rəqibdən çəkinməsinlər"
Konfrans Liqasında mübarizə aparan “Qəbələ” ilk oyunda Macarıstan “Fehervar”ına 1:4 hesabı ilə məğlub oldu.
Hesabı komandamız açsa da, sonradan bəzi səhvlər nəticəyə də təsir etdi.
Görəsən, “Qəbələ” azarkeşləri bu oyun haqda nə düşünür? Onlar cavab görüşündə doğma komandaya dəstək olacaqmı? Bu haqda məlumat almaq üçün “Qəbələ”nin azarkeş qrupu “Red Black Army”nin təsisçilərindən olan Nəriman Təbrizlə əlaqə saxladıq. Onun “Football-plus.az” saytına açıqlaması belə oldu:“İlk olaraq "avrokuboklara “Qəbələ” yox, “Sabah” getməliydi" deyənlərə sözüm odu ki, kim layiq olubsa, o da vəsiqə qazanıb. Biz ilk görüşdəki hesaba baxmadan bəzilərindən fərqli komandamıza dəstək olacağıq. Bəli, ilk oyunda fərdi səhvlər oldu. Amma qınamaq əvəzinə düzətlmələri üçün dəstək olmaq lazımdı. Bu da başadüşüləndi ki, komandanın ehtiyat qüvvəsi yoxdu. Buna baxmayaraq, “Qəbələ” səfərdə gücünün 90 faizini ortaya qoydu. Əsas odu ki, mübarizə apardı. Öz qapısına çəkilmədən açıq futbol oynadı. Bizim ən böyük problemimiz sabit mərkəz hücumçusunun olmamasıdı. Ülvi İsgəndərov var ki, onu da məşqçi sonradan oyuna daxil etdi. 90 dəqiqə pressinq edən, “vuran ayağı” olan futbolçumuz isə yoxdu. Belə bir hücumçumuz olsaydı, ilk oyunda 3-4 top fərqi ilə biz qələbə qazanacaqdıq . Rəqibin heyəti də, büdcəsi də çoxdu. Lakin komanda yenə çəkinmədən mübarizə apardı. Evdə keçirəcəyimiz cavab oyununda da komandamıza inanırıq. Əsas odu ki, forma, loqo üçün kişi kimi mübarizə aparsınlar, rəqibdən çəkinməsinlər. Udsalar da, uduzsalar da, komandanın arxasındayıq”.
ŞAİR ABDULLA
Digər xəbərlər
