"Football-plus.az" xəbər verir ki, bu barədə ABŞ təmsilçisinin kommersiya direktoru Xavyer Asensi "Mundo Deportivo"ya açıqlamasında danışıb. O deyib:
"Messi heç kimlə müqayisə oluna bilməz. O, tam ayrıdı. Biz ABŞ-da hər kəs üçün istinad nöqtəsi olmaq istəyirik. Bu, yaxşı oyunçuları almaq və şoular göstərmək deməkdi. Bunun üçün bizə ən yaxşılar lazımdı. Onlarla müqavilə imzalamaq klubun məqsədidi. Lionel Messi də bizim planlarımızda var, başqaları da. Hər şey Messidən və onun istəklərindən asılıdı. Biz ən yaxşılara imza atmaq istəyirik və Messi tarixin ən yaxşısıdı".
Qeyd edək ki, Messi ötən ilin yayında "Barselona"dan ayrıldıqdan sonra PSJ ilə 2+1 illik müqavilə imzalayıb.
