Xəbər verdiyimiz, Milan Obradoviç 21 yaşadək futbolçulardan ibarət milli komandamızdan ayrılıb.

Bu məlumatı AFFA rəsmi saytı vasitəsiylə də açıqladı. Boş qalan posta əsas namizədin kimliyi də məlumdu.

Redaksiyamıza bunanla bağlı informasiya daxil olub. Belə ki, serbiyalını Samir Əliyev əvəz edəcək. 43 yaşlı mütəxəssisin ilk ciddi sınağı U-23 millisi ilə Türkiyənin Konya şəhərində olacaq. Əliyevin komandası İslam Həmrəyliyi Oyunlarında mübarizə aparacaq. Bundan sonra mütəxəssis 21 yaşadək futbolçulardan ibarət yığmaya təyin olunacaq.

Qeyd edək ki, adı çəkilən turnirin son qalibi məhz Azərbaycandı. Ölkəmizdə keçirilən turnirdə Yaşar Vahabzadənin rəhbərlik etdiyi komanda bütün rəqiblərini üstələyərək çempion olmuşdu.

RƏŞAD