Meyvezerin MBA-da klubu olacaq?
Beş çəki dərəcəsində dünya çempionu, boksçu Floyd Meyvezer (kiçik) MBA klubunun sahibi olmaq üzərində çalışdığını deyib:
“Çoxdan bunun üzərində işləyirəm. Son 6 ayda bəzi adamlarla danışmışam. Pərdəarxası danışıqlar apardığım və ictimai şəkildə heç vaxt açıqlamadığım mövzu budu. Mən və komandam MBA ilə ünsiyyət saxlamışıq. Hələ ki məhz kimlə danışıq apardığımızı deyə bilməyəcəm”.
Bir müddət əvvəl MBA rəhbərliyinin Las-Veqas və Sietl şəhərlərinin klublarının olmasına müsbət yanaşdığı haqda xəbər yayılmışdı. Kiçik Meyvezer Las-Veqasda yaşayır. Elə bu ay “Leykers”in forvardı Lebron Ceyms də perspektivdə Las-Veqas komandasının sahibi olmaq arzusunu açıqlayıb.
Digər xəbərlər
