“Esperans” “Neftçi”yə görə cərimələndi
FIFA "Esperans"a transfer qadağası qoyub.
“Football-plus.az” saytının məlumatına görə, buna səbəb Tunis klubunun "Neftçi"dən heyətinə qatdığı Sabir Buqrin üçün ödəniş etməməsidi.
Qərara əsasən, "Esperans” növbəti 3 transfer pəncərəsində heyətinə yeni futbolçu qata bilməyəcək. Klub 827 min manat məbləğində təzminatı ödədikdən sonra qadağa aradan götürülə bilər.
Qeyd edək ki, Sabir Buqrin bu ilin yanvarında "Neftçi"dən "Esperans"a keçib.
