Darvin Nunyesin növbəti mövsümə İngiltərədə başlayacağı böyük ölçüdə məlum olub.

Uruqvaylı hücumçu “Benfika”dan “Liverpul”a keçəcək. Jurnalist Sesar Luis Merlonun yaydığı məlumatda Nunyesin bazar ertəsi bu klubda tibbi baxışdan uğurla keçəcəyi halda 5 illik müqaviləyə qol çəkəcəyi bildirilir. İngiltərə nəhənginin Darvinə görə 80 milyon avro kompensasiya ödəyəcəyi və klublar arasındakı razılaşmaya görə lissabonluların 20 milyon avro bonus qazanmaq şansının olduğu da qeyd edilir.
Xatırladaq ki, 22 yaşlı futbolçu ötən mövsüm meydana çıxdığı 41 oyunda 34 qolun və 4 məhsuldar ötürmənin müəllifi olub.