"Kiyevdə min, Azərbaycanda isə 23 min dollar qazanırdım"
Belarus millisinin veteran futbolçusu, “İnter”in (indiki “Şamaxı”) sabiq üzvü Mixail Makovski Azərbaycandakı çıxışını xatırlayıb.
"Football-plus.az" xəbər verir ki, “football.by” saytına danışan Makovski paytaxt klubundakı qazancını açıqlayıb:"Ən yülsək maaşı harada almışam Bakıda, yoxsa Kiyevdə? "Dinamo"da 1000 dollar qazanırdım. Ən yüksək maaşım isə "İnter"də idi. Azərbaycanda mənə aylıq 23 min dollar maaş verirdilər. Mükafatlar? Bunun Azərbaycanda necə olduğunu sizə deyim.
“İnter” dörd gün istirahət verirsə, niyə Kiyevə uçaraq ailənizi görməyəsiniz? Üstəlik, klub il ərzində 8 pulsuz uçuş təşkil edirdi. Qalib gəldiyiniz oyundan sonra Ukraynadan Bakıya qayıdırsınız və bazada çarpayının üstündə zərf görürsünüz. 500 dollar mükafat, hər şey lazım olduğu kimi. Amma ən maraqlıdı, alkoqol içmədiyim vaxtlar idi. Ora o qədər istidir ki. əgər otaqda kondisioner yoxdursa, çox isti olur. Gündəlik iki məşqimiz olurdu, birincisi səhər 6-da, ikincisi axşam 10-dan sonra”.
Minsk və Kiyev “Dinamo”larında oynamış Makovski 2005-ci ildə Azərbaycana gələrək “İnter”lə müqavilə imzalamışdı.
