Nəhayət, Mauritsio Sarrinin məsələsinə aydınlıq gəlib.

Onun bu yay “Latsio”nu tərk edə biləcəyi iddia edilirdi. Lakin İtaliya klubu təcrübəli baş məşqçi ilə müqaviləni yeniləməyi lazım bilib.
Yerli mənbələrin yaydığı xəbərə görə, tərəflər müqavilənin müddətini 2025-ci ilin yayına qədər uzadılması ilə bağlı razılığa gəlib. Bu barədə rəsmi məlumatın tezliklə yayılması gözlənilir.

Sarri paytaxt komandasını 2021-ci ilin iyunundan çaışdırır. 63 yaşlı mütəxəssisin klubla hazırkı müqaviləsi 2023-cü ilin yayına qədərdi. “Latsio” A seriyasında son mövsümü 5-ci yerdə başa vurub.