FIFA-nın Qlobal Toxunulmazlıq Prinsipinə Dair Proqramı” mövzusunda UEFA 55 federasiyasının nümayəndələrinə İsveçrənin Neon şəhərində seminar keçirilib.

"Football-plus.az" xəbər verir ki, FIFA tərəfindən 211 üzv assosiasiyasının oyunun toxunulmazlıq prinsipi üzrə məsul şəxslərinə “Yarışların manipulyasiyası fenomeninin” təfərrüatlarını dərindən mənimsəmək və səmərəli mübarizə aparmaq üçün görüləcək tədbirləri təmin etmək məqsədi daşıyan seminarda UEFA-nın danışılmış oyunlarla bağlı Azərbaycan üzrə nümayəndəsi Seymur Səlimli iştirak edir.

Oyunun manipulyasiyası bütün dünyada futbolun toxunulmazlıq prinsipinə qlobal təhlükə yaradır. FIFA üzv assosiasiyaları və hökumətləri bu təhlükə ilə effektiv şəkildə mübarizə aparmaq səylərini dəstəkləmək üçün FIFA və Birləşmiş Millətlər Təşkilatının Narkotiklər və Cinayətkarlıqla Mübarizə İdarəsi (UNODC) geniş spektrda praktiki və ixtisaslaşdırılmış vasitələr, təşəbbüslər və fəaliyyət istiqamətləri hazırlamaq və təqdim etmək üçün əməkdaşlıq edirlər. Xüsusilə, FİFA UNODC ilə əməkdaşlıq edərək, bütün dünyada FİFA-ya üzv assosiasiyalar daxilində oyunun toxunulmazlığı prinsipinə məsul şəxslərə yarışların manipulyasiya edilməsi hallarına cəza və onlarla mübarizə yolları və ya tədbirləri haqqında əsaslı məlumatı təmin etmək məqsədi daşıyan FIFA Qlobal Toxunulmazlıq Prinsipi Proqramını effektiv şəkildə işləyib hazırlamışdır.

Proqram oyunun manipulyasiyasının qarşısını almaq və onunla mübarizə aparmaq, həmçinin üzv assosiasiyalar səviyyəsində uğurlu və davamlı təşəbbüslər yaratmaqla toxunulmazlıq prinsipini təbliğ etmək üçün zəruri məlumat və vasitələri təqdim edəcək. Bundan əlavə, praktiki nümunələr vasitəsilə oyunun manipulyasiyası insidentləri ilə bağlı araşdırmaların necə aparılacağına dair fikir formalaşdıracaqdır. Proqram həmçinin oyunun toxunulmazlığı prinsipinə məsul şəxslərə təcrübələrini və ən faydalı praktiki biliklərini bir-biri ilə bölüşmək imkanı yaradacaq.

Proqramın UEFA buraxılışı 3 modul üzrə keçiriləcək.