Dünya Boks Şurasının (WBC) ağır çəkidə britaniyalı çempionu Tayson Füri Fransanın Kann şəhərində qalmaqallı hadisə ilə gündəmə gəlib.

Sosial şəbəkələrdə 34 yaşlı idmançının sərxoş vəziyyətdə videosu yayılıb. Görüntülərdən də aydın olduğu kimi, boksçunun atası onu maşına oturtmağa çalışsa da, sürücü içkili sərnişini daşımaqdan imtina edib. Məşhur idmançı isə buna cavab olaraq, maşını təpikləyib.
Xatırladaq ki, Füri karyerası ərzində keçirdiyi 33 döyüşün 32 qələbə qazanıb, 1-də isə heç-heçə əldə edib.