Prezident Hemiltona növbəti dəfə xəbərdarlıq etdi
Beynəlxalq Avtoidman Federasiyasının (FIA) prezidenti Məhəmməd ben Sulayem “Mersedes”in pilotu Lüis Hemiltonun yarış direktorluğunun zərgərlik məhsullarını daşımamaqla bağlı tələbini yerinə yetirməyəcəyi təqdirdə cərimələnəcəyini bir daha xatırladıb:
“Adamları yalnız dostluq mülahizələri əsasında bağışlamaq olmaz. Qaydalar hamı üçün eyni olmalıdı və belə də olacaq. Odu ki, seçim sizindi. Qayda pozuntusuna görə cərimələr nəzərdə tutulub. Axı kimsə müəyyənləşdirilən sürət həddini aşırsa, belələrini cərimələyirlər, hətta qayda pozuntusu təsadüfən olsa da. Zərgərlik məhsullarını mən də çox bəyənirəm - əmin olun. Ancaq yarış maşınının sükanı arxasına keçibsizsə, seçim imkanınız yoxdu. Deyirlər ki, bu qayda əvvəllər tətbiq olunmayın. Niyəsinin məndən soruşmayın. Bu sualı qurumun əvvəlki rəhbərliyinə vermək lazımdı”.
Mayami “Qran-pri”si ərəfəsində yarış direktoru Nils Vittix pilotların bəzək-düzək əşyalarına məcburi nəzarət tətbiq edib. Əslində metal əşyalar daşımağın yolverilməzliyi qaydası FIA İdman məcəlləsində var idi, ancaq faktiki bu qaydaya əməl olunmurdu.
Digər xəbərlər
