Cari mövsümü üçüncü pillədə başa vuran və bürünc medal qazanan “Neftçi” İK Yüksək Liqada bunadək sonuncu medalını 2016-2017-ci il mövsümündə qazanmışdı.

"Football-plus.az" xəbər verir ki, həmin il “Araz-Naxçıvan”ın liderliyinə mane ola bilməyən “ağ-göylər" gümüşü boyunlarına biçmişdilər.

Beş mövsümlük fasilədən sonra “Neftçi” İK Elşad Quliyevin rəhbərliyi altında bürünc medalı kolleksiyasına əlavə etdi. Yeri gəlmişkən, “Neftçi” İK artıq 3-cü dəfə bürünc medal qazanıb. Buna qədər 2012-2013 və 2015-2016-cı il mövsümündə analoji uğuru əldə etmişdi.

Qeyd edək ki, bu komanda üçün cari mövsüm hələ başa çatmayıb. Belə ki, mayın 24-də keçiriləcək Badamlı Azərbaycan kubokunun finalında “Neftçi” İK “Alyans Qrup”la qarşılaşacaq.