Kamran Vəliyev Şamaxı şəhər stadionunun sökülməsinin səbəbini açıqladı
AFFA-nın baş katibinin müavini Kamran Vəliyev Şamaxıya ezam olunan jurnalistlərə açıqlamasında burda tikilən stadionun yenidənqurma işlərindən danışıb: “Burda Şamaxı şəhər stadionu olub. 2020-ci ildə işə başladıq. 2021-də cənab Prezidentin iştirakı ilə açılışı oldu. Arena 2200 tamaşaçı tutumuna malikdi. “Şamaxi” klubu oyunlarını burda keçirir. Ot örtüyü sünidi. Amma artıq FİFA-nın ən yüksək sertifikatını alıb. Bir az detallara girsək, ipliyin hündürlüyü 40 mm olurdu. Hazırda yeni nəsil ot örtükləri var ki, hündürlüyü 55-60 mm olur. Bu stadiondakı örtük həmin yeni nəsil örtüklərdəndi. Düzdü, bir az zaman lazımdı ki, oynadıqca tam otursun. Burda cəmi bir matç olub, amma FİFA-nın sertifikatını alıb. UEFA-nın ikinci kateqoriyasına malikdi. Bu da bəzi beynəlxalq oyunlar keçirməyə imkan verir”.
Baş katibin müavini stadionun neçəyə başa gəlməsi haqda sualı belə cavablandırıb: “Bununla bağlı, məncə, saytda məlumat verilib. Verilməyibsə, maliyyə-mühasibatlıqdan almaq olar. Tribunaların artırılması hazırda nəzərdə tutulmayıb. Amma qapıların arxasında yer var. Orda tribuna qurmaq mümkündü. Bu uzunmüddətli gələcək üçündü. Bu arenada avrokubokların təsnifat mərhələsinin, səhv etmirəmsə, ilk iki raundun oyunları keçirilə bilər. Sonrakı mərhələ üçün 3-cü kateqoriya zəruridi. U-21, qızlar və aşağı yaş qrupları üzrə yığmalar da burda oynaya bilər. Əsas milli üçün 4-cü, istisna hallarda 3-cü kateqoriya lazımdı. Burda isə 2-ci kateqoriyadı”.
O bildirib ki, süni örtüyü təbiiyə dəyişmək üçün əlavə təbii örtüklü meydan da olmalıdı.
Digər xəbərlər
