Tanınmış iş adamı, “Bakı” futbol klubunun sabiq prezidenti Hafiz Məmmədov barəsində seçilən ev dustaqlığı qətimkan tədbiri dəyişdirilib.

Dövlət Vergi Xidməti onun hazırkı maddi vəziyyəti ilə bağlı loyal münasibət göstərərək, məhkəmə tərəfindən seçilən qətimkan tədbiri müddətinin uzadılmasını istəməyib. Məmmədov barəsində ev dustaqlığı qətimkan tədbiri başqa yerə getməməklə əvəz olunub.

Qeyd edək ki, İqtisadiyyat Nazirliyi yanında Dövlət Vergi Xidmətinin Vergi cinayətlərinin İbtidai Araşdırılması Baş İdarəsində Hafiz Məmmədovun bilavasitə faktiki rəhbərliyi həyata keçirdiyi müəssisələr üzrə yaranan külli miqdarda vergi və məcburi dövlət sosial sığorta haqlarının ödəməkdən yayındırılması faktları üzrə cinayət işi başlanılıb. Yasamal rayon məhkəməsinin qərarı ilə onun barəsində həbs-qətimkan tədbiri seçilsə də, sonradan borcun müəyyən hissəsi ödənildiyi üçün ev dustaqlığına buraxılıb.