Ölkə başçısı: "Hacı Əliyev, sən artıq olimpiya çempionusan"
"Mən hesab edirəm ki, sən artıq Olimpiya Oyunlarının qızıl medalını qazanmısan".
Bunu Prezident İlham Əliyev Macarıstanda keçirilmiş Güləş üzrə Avropa çempionatında iştirak edən Azərbaycan millisinin üzvlərini qəbul edərkən deyib.
"Çünki sən üçqat dünya çempionusan və dünya çempionatı da Olimpiya Oyunları ilə eyni səviyyəli yarışdı. Bəlkə də Olimpiya Oyunları daha həyəcanlı bir yarışdı, çünki 4 ildən bir keçirilir və bütün dünya ictimaiyyətinin diqqəti oradadı. Amma təmsilçilik baxımından və rəqabət baxımından dünya çempionatları ondan geri qalmır. Ona görə sənin üç qızıl medalın var dünya çempionu kimi. İndi təvazökar insan kimi bir medal taxmısan, amma sənin medalların nə qədərdir, bəlkə özün də sayını itirmisən. Yadındadı nə qədər medalın var sənin?"
, - deyə dövlət başçısı soruşub.Hacı Əliyev "Çoxdu" cavabını verib.
Prezident İlham Əliyev isə deyib:
İndi üç dünya çempionu medalı, ondan sonra Olimpiya, üç dəfə Avropa çempionu. Ona görə sən bütün medalları taxsan sinəndə yer qalmaz. Biz hər bir idmançıdan qələbə gözləyirik. Amma əsas odu ki, yarışda iştirak edəcəksən. Mən bilirəm ki, sən son Olimpiya Oyunlarında bir az tərəddüd edirdin gələcək fəaliyyətinlə bağlı. Amma yaxşı ki, qalmısan idmanda. Sən lazımsan həm idmana, həm gənclərə və doğrudan da gənclər üçün, gənc idmançılar üçün bir nümunəsən. Çünki üçqat dünya çempionu olmaq doğrudan da tarixi nailiyyətdi. Ona görə səni bir daha təbrik edirəm".
Digər xəbərlər
