Mbappe səhv etmək istəmir
PSJ rəhbərliyi Kilian Mbappeyə görə daha bir cəhdə əl atıb.
Fransa klubu futbolçunu Parisdə saxlamaqda qərarlıdı.
Yerli mətbuatın xəbərinə görə, baş məşqçi Mauirisio Poçettino 23 yaşlı hücumçuya komandadakı rolunu göstərmək üçün kapitan statusu vermək istəyir. Komandanın Çempionlar Liqasında mübarizəni 1/8 finalda dayandırmasından sonra hazırkı kapitanı Markinyosun nüfuzu aşağı düşüb. Rəhbərlik Kilianı “Real”a keçmək fikrindən daşındırmaq üçün bəlkə də son cəhdinə əl atmağa hazırlaşır. Onun klubla müqaviləsi iyunun 30-da qüvvədən düşəcək. Artıq dünyanın əksər informasiya mənbələri Mbappenin mövsümün sonunda azad agent kimi İspaniya klubuna keçəcəyinə şübhə etmir.
Amma səbəbkar hələ gələcəyi ilə bağlı yekun qərar verməyib. Kilian mövsümün sonunda PSJ-dən ayrılıb-ayrılmayacağı haqda sualı belə cavablayıb:
“Mən hələ gələcəyimlə bağlı qərar verməmişəm, bunu hamı bilir. Haqqımda az qala hər gün bir xəbər yayılır. Təklifləri nəzərdən keçirirəm. Qərar versəydim, artıq elan edərdim. Səhv qərar verməmək üçün düşünürəm. Tələsmir və özüm üçün ən yaxşı variantı seçmək istəyirəm”.
Digər xəbərlər
