Mövsüm sona yaxınlaşdıqca PSJ rəhbərliyinin Kilian Mbappeyə görə narahatlığı daha artır.

Fransa klubu futbolçunu Parisdə saxlamaqda qərarlıdı. Yerli mətbuatın son xəbərinə görə, baş məşqçi Mauirisio Poçettino 23 yaşlı hücumçuya komandadakı rolunu göstərmək üçün kapitan statusu vermək istəyir. PSJ-nın hazırkı kapitanı Markinyosdu.

Rəhbərlik Kilianı “Real”a keçmək fikrindən daşındırmaq üçün bəlkə də son cəhdinə əl atmağa hazırlaşır. Onun klubla müqaviləsi iyunun 30-da qüvvədən düşəcək. Artıq dünyanın əksər informasiya mənbələri Mbappenin mövsümün sonunda azad agent kimi İspaniya klubuna keçəcəyinə şübhə etmir.