“Real”ı mövsümün sonunda bir sıra futbolçular tərk edəcəklər.

Belələrinin sırasında Marselo da var. O, artıq komandaya lazım deyil. Braziliyalı müdafiəçi ilə müqavilənin yenilənməyəcəyi dəqiqləşib. Marselo komandada daha bir il oynamaq naminə məvacibinin əhəmiyyətli dərəcədə azaldılmasına razı idi. Lakin “Defensa Central”ın xəbərində rəhbərliyin 33 yaşlı futbolçu ilə vidalaşmaq qərarına gəldiyi bildirilir.

“Real”da 2007-ci ildən çıxış edən Marselo bu mövsüm bütün turnirlərdə 14 oyun keçirib. Bəzi mənbələrə görə, rəhbərlik onun xidmətindən gələn mövsüm klubun rəsmi işçisi kimi yararlanmağı düşünür.