“Biz futbolçunu yanvarda icarəyə verəndə bəzi danışıqlarımız oldu. Belə ki, iyunda geri göndərməsələr, başqa kluba keçsə, böyük məbləğdə pulu “Səbail”ə ödəyəcəklər. Sizin suala gəlincə, məlumat doğrudu. Bu 5 ay ərzində icarəhaqqı olaraq kiçik məbləğ əldə etdik. Amma bunun nə qədər olduğunu sizə açıqlaya bilmərəm. Yəni Erkin İbrahimovun açıqlaması doğrudu. Turanı müəyyən məbləğ qarşılığında icarəyə göndərmişik. Düzdü, bu pulu hələ ki almamışıq. Lakin müddət bitənə kimi almalıyıq”.

“Dediklərinizin hamısı həqiqətdi. Turanın problemləri var. Bir neçə gündü onunla danışırıq. Müntəzəm əlaqə saxlayırıq. Məsələ yalnız klubla bağlıdı. Onların maliyyə problemi var. Həmçinin Turan zədələnib, tam sağala bilmir. Bizim üçün ən vacibi də budu. Bunun həlli üçün Turanla danışırıq. Hətta “Olimpiakos”a rəsmi məktub da göndərmişik. Onlardan futbolçumuzu niyə tam müalicə edə bilmədiklərini aydınlaşdırmalarını istəyirik. Bundan başqa, nə üçün “Səbail”in üzvünün əməkhaqqını ödəmirlər? Çox güman, yaxın zamanlarda Turan “Səbail”ə qayıdacaq. Düzdü, iyunda geri dönməlidi. Vəziyyət belədisə, niyə orda qalmalıdı? Çalışırıq ki, “Olimpiakos”la müqaviləsinə xitam verilsin. Onlar bizə bu məsələlərlə bağlı açıqlama verməsə, birbaşa FIFA-ya müraciət edəcəyik. Bunu sizə əminliklə deyirəm, yüz faiz belə olacaq. İndi burda bəzi xırda məsələlər qalıb. Biz Turanla bu istiqamətdə söhbət edirik. Futbolçunun Bakıya qayıtmasına çalışırıq. Onu da yaxın zamanlarda həll edə bilsək, ictimaiyyətə açıqlama verəcəyik. Məqsədimiz Turanı orda saxlayıb, pul qazanmaq üçün ona əziyyət vermək deyil. Onsuz da onlar özlərini elə göstərdilər ki... Artıq istəmirik ki, “Olimpiakos”la hansısa əməkdaşlıq edək. Allah qoysa, Turan qayıdar, hər şey yaxşı olar. Onsuz da futbolçunun bizimlə növbəti mövsümə kimi müqaviləsi var. Turanla daim əlaqə qurur, danışırıq. O, bizim futbolçumuzdu”.