“Liverpul” aparıcı oyunçularından birini uzun müddətə itirib.

Trent Aleksander-Arnold sıradan çıxıb. Klubun rəsmi saytının məlumatına görə, 23 yaşlı müdafiəçinin bud əzələləri zədələnib. O, bu səbəbdən bir neçə həftə yaşıl meydanlardan kənarda qalacaq. Hələ ki Trentin meydana nə vaxt qayıdacağı hələlik dəqiq məlum deyil.

Qeyd edək ki, Arnold bu mövsüm İngiltərə çempionatında iştirak etdiyi 26 matçda 2 qol vurub və 11 məhsuldar ötürmə edib.