"Həm bizim, həm də "Səbai" üçün vacib oyun idi. Çünki aşağı sıralarda gedən komandalar bir-birilə oynayırdı. Başa düşürdük ki, çətin olacaq. Özü də rəqib meydançasında oynayırdıq. Şükürlər olsun ki, uşaqlar verilən tapşırıqları yerinə yetirdilər və 3 xalı qazanmaq üçün əllərindən gələni etməyə çalışdılar. Futbolçularımı təbrik edirəm. Buna qədər olan oyunları xatırlatmaq istəyirəm ki, komadamız sona qədər oynayırdı, sadəcə qol imkanlarını dəyərləndirə bilmirdik. Elə ötən həftədəki "Sabah"la oyunu götürək. Son saniyələrdə buraxdığımız qol komandaya psixoloji təsir etmişdi. Çalışdıq ki, komanda toparlansın. Həftələr keçdikcə, işlər daha da çətinləşir. Biz son sıralarda olmaq istəmirik. Rəqiblər də həmçinin. Ona görə də oyunlar daha da aqressivləşir. Hər matç çətindi. Bu oyunu unudub, növbəti matçla hazırlaşmalıyıq".