400-dən çox PUA müsadirə edilib

DÇ-2026-nın təşkilatçıları təhlükəsizliyin ən yüksək səviyyədə təminatını həyata keçirməyə çalışırlar. Bu baxımdan ABŞ-nin müvafiq orqanlarının səyləri təqdirəlayiqdi.

"Football-plus.az" xəbər verir ki, ölkənin Federal Təhqiqat Bürosu (FTB) matçlarının keçirildiyi ərazilərdə 400-dən çox pilotsuz uçuş aparatı (PUA) ələ keçirib.

Bu barədə qurumun direktoru Keş Patel X sosial şəbəkəsində məlumat yayıb.

FTB-nin rəhbəri ABŞ-də dünya çempionatının oyunlarına evsahibliyi edən şəhərlərdə PUA uçuşlarının qarşısını almaq üçün xüsusi qrupların fəaliyyət göstərdiyini də bildirib. Onun sözlərinə görə, FTB-nin əməkdaşları bazar günü Mayamidə 7 pilotsuz uçuş aparatını ələ keçiriblər. Fan zonalarda keçirilən tədbirlər zamanı isə daha 7 dron zərərsizləşdirilib.