Dünya çempionatına hazırlaşan Türkiyə yığması ilə bağlı dünən kiçik bir olay yaşanıb.

''Ay-ulduzlular'' Arizonadakı ''Athletic Grounds'' stadionunda məşq keçdikdən sonra iki avtobusa əyləşərək qaldıqları otelə yollanıblar. Hər avtobusu motosikletlə iki polis müşayiət edirdi. Yolda həmin motosikleti idarə edən polislərdən biri qəzaya düşüb. Polis yüngül xəsarət aldığı üçün hadisə yerinə ambulans və yanğınsöndürən maşın çağırılıb. Bəzi futbolçular da avtobusdan enərək yaralanan polisin vəziyyəti ilə maraqlanıblar.

Bu olay üzündən yığmanı daşıyan avtobus təxminən 15 dəqiqə gözləməli olub. Həkimlərin yardımından sonra avtobus yenidən yola düşərək nəhayət, otela çatıb.