Türkiyə çempionatında son həftələrin ən diqqətçəkən qapıçısı sözsüz ki, ''Eyüpspor''lu Berke Özərdi.

''Qalatasaray''la səfər oyununda (2:2) 12 qurtarış etməklə mövsümün rekordunu qıran 23 yaşlı əlcək sahibi son turda ''Samsunspor''la ev oyununda (3:0) da seyvləri ilə qələbədə pay sahibi olmuşdu. Son matçın ardından isə Berke ilə bağlı diqqətçəkən bir olay yaşandı. İstedadlı qapıçı stadionu tərk edərkən polis əməkdaşları ilə mübahisə etdi.

Belə ki, oyundan sonra stadiona Berkeni götürmək üçün bir maşın gəldi. Həmin maşın bir qədər gec gəldiyinə görə polislər onu stadionun parkinq yerinə buraxmaq istəmədilər. Bunu görən Özər özü gedərək maşına əyləşməli oldu. Onun həmin an polislə dialoqu isə diqqət çəkdi və sosial şəbəkələrdə paylaşıldı.

O, polisə ''biz teroristik? Nə baş verir? Görürsən ki, maşın gəlib, burax gəlsin'' deyərək iradını bildirdi. Polis də onu ''sənin təhlükəsizliyini alsam, birinci mən alaram'' ifadəsi ilə qarşılıq verdi.

ƏLİ