''Fənərbaxça'' prezidenti Sadəttin Saran üzücü bir olayla gündəmə gəlib. Belə ki, Saranın içində olduğu maşın qəzaya düşüb. Hadisə martın 31-də günorta saatlarında baş verib. Türkiyə mətbuatının yazdığına inansaq, Saran ''Fənər''in stadionuna - ''Çobani Stadionuna'' yollanırmış. Maşını Saranın sürücüsü idarə edirdi. Maşının hansı şəkildə qəzaya düşməsi barədə dəqiq məlumat yoxdu. Ancaq hadisə zamanı başqa bir maşının da əzildiyi məlum olub. Prezident bədəninin bəzi yerlərindən - ayağından, qolundan və boynundan xəsarətlər alıb. Sürücü də yüngül yaralanıb. Amma maşına çox ciddi ziyan dəyib. Sosial şəbəkələrdə maşının qəzaya düşdükdən dərhal sonra çəkilən görüntüsü ildırım sürəti ilə yayılıb. Maraqlıdı ki, qəzaya rəğmən Saran başqa maşınla klub binasına yönələrək idarə heyətinin toplantısında iştirak edib.