“Düşünürəm ki, Ovi bununla bağlı qarışıq hisslər keçirir”
MHL-də artıq Stenli kuboku uğrunda mübarizə başlayıb. Amma liqanın əsas ulduzlarından birinin – Aleksandr Oveçkinin növbəti mövsüm olub-olmayacağı hələ də bəlli deyil.
"Football-plus.az" xəbər verir ki, rusiyalı ulduzun şərəfini qoruduğu “Vaşinqton”un prezidenti Brayan Maklellan onun komanda üçün önəmindən danışıb:
“Düşünürəm ki, onun varlığı ölçüyəgəlməzdi, getməyə qərar verərsə, böyük itki olacaq. Şəxsiyyət, liderlik keyfiyyətləri baxımından. Görürsüz ki, o öz böyüklüyünü komandanın təyyarəsinə, avtobusuna, paltardəyişmə otağına, oyunöncəsi isinmə hərəkətlərinə daşıyır. Ovinin varlığı böyükdü, açıq-aşkar hiss olunur. Oveçkinin karyerasını davam etdirib-etdirməyəcəyinə MHL-in marağı? Bu il əsasən bu məsələyə görə milli televiziyada tez-tez göründük”.
Maklellan Oveçkinin karyerasını bitirməklə bağlı mümkün qərarından da danışıb:
“Bilmirəm. Düşünürəm ki, Ovi bununla bağlı qarışıq hisslər keçirir. Şəxsi fikrimi bilmək istəyirsizsə, karyerasını bitirmək qərarı istənilən hokkeyçi üçün çətindi. Hələ mən Oveçkin çapındakı oyunçunu demirəm. Necə getməli? Mən bu haqda nə düşünürəm? Cavab vermək çətindi”.
Xatırladaq ki, 2005-ci ildən “Vaşinqton”un şərəfini qoruyan 40 yaşlı Oveçkinin müqaviləsinin müddəti bu mövsümün sonunda bitəcək. Rusiyalı hücumçu 2025/26 mövsümündə keçirdiyi 82 oyunda 64 (32+32) xal toplayıb.
Konfrans 1/4 finallarının axarına gəlincə, “Filadelfiya” “Pittsburq”, “Karolina” “Ottava”, “Kolorado” “Los-Anceles” ilə seriyada böyük üstünlük qazanıb. “Pittsburq” “Filadelfiya” ilə seriyanın 3-cü oyununda uduzdu və hadisələrin axarını dəyişməsi çətin görünür. “Pinqvinlər”in dünyaca məşhur hücumçusu Sidni Krosbi dünən 2:5 uduzduqları oyunda məhsuldar ötürmə verməklə builki Stenli kubokunda ilk xalını topladı. Pley-offda keçirdiyi 183 oyunda 202 (71+131) xal toplayan 38 yaşlı kanadalı bu göstəricidə 5-ci pilləyə yüksəldi. O, Stenli kuboku uğrunda keçirdiyi 208 oyunda 201 (78+123) xal toplayan Yaromir Yaqrı arxada qoydu. 4-cü pillədə qərarlaşan Qlenn Andersonun 214 (93+121) xalı var. Bu göstəricidə rekordçu Ueyn Qretskidi – 382 (122+260) xal.
konfrans 1/4 finalları
21 aprel
Pittsburq – Filadelfiya 0:3 (0:0, 0:2, 0:1)
Seriyada hesab – 0:2.
Karolina – Ottava 3:2 OT (1:0, 1:2, 0:0, 1:0)
Seriyada hesab – 2:0.
Dallas – Minnesota 4:2 (1:1, 1:0, 2:1)
Seriyada hesab – 1:1.
Edmonton – Anahaym 4:3 (2:0, 0:3, 2:0)
Seriyada hesab – 1:0.
22 aprel
Tampa-Bey – Monreal 3:2 OT (1:1, 0:1, 1:0, 1:0)
Seriyada hesab – 1:1.
Baffalo – Boston 2:4 (0:0, 0:3, 2:1)
Seriyada hesab – 1:1.
Veqas – Yuta 2:3 (1:1, 1:1, 0:1)
Seriyada hesab – 1:1.
Kolorado – Los-Anceles 2:1 OT (0:0, 0:0, 1:1, 1:0)
Seriyada hesab – 2:0.
23 aprel
Filadelfiya – Pittsburq 5:2 (0:1, 3:0, 2:1)
Seriyada hesab – 3:0.
Minnesota – Dallas 3:4 OT (1:2, 2:0, 0:1, 0:1)
Seriyada hesab – 1:2.
Edmonton – Anahaym 4:6 (1:1, 2:3, 1:2)
Seriyada hesab – 1:1.
Digər xəbərlər
