Bernardo Silvanın yayda İtaliyaya yollanmaq şansı var.

"Football-plus.az" xəbər verir ki, “Yuventus” “Mançester Siti”nin yarımmüdafiəçisini heyətinə cəlb etmək istəyir. İnsayder Matteo Morettonun məlumatına görə, Turin klubu Silva ilə ilkin danışıqlar aparıb. 31 yaşlı portuqaliyalı futbolçu bir neçə gün əvvəl mövsümün sonunda İngiltərə klubundan ayrılacağını açıqlayıb. O, yayda azad agent statusu qazanacaq.

Bernardo MS-də 2017-ci ildən çıxış edir. O, ötən müddətdə klubda bütün turnirlərdə 453 oyuna çıxaraq 76 qol vurub və 77 məhsuldar ötürmə edib.
Portuqaliyalı futbolçu “şəhərlilər”lə birlikdə 6 dəfə İngiltərə çempionu olub, 5 dəfə Liqa kubokunun, 3 dəfə ölkə İngiltərə Superkubokunun, 2 dəfə isə İngiltərə kubokunun qalibi olub.