İdman və musiqi tədbirlərinin təşkili üzrə ixtisaslaşmış və Mayamidə yerləşən VID şirkəti “İnter Mayami”nin hücumçusu Lionel Messi və Argentina Futbol Assosiasiyasına (AFA) qarşı müqaviləni pozmaq barədə ittiham irəli sürüb.

"Football-plus.az" xəbər verir ki, VID ötən ilin oktyabrında Venesuela (1:0) və Puerto Riko (6:0) ilə milli komandanın iki sərgi oyunu ilə bağlı eksklüziv hüquqlar üçün AFA ilə 7 milyon dollarlıq müqavilə imzalayıb. Müqaviləyə əsasən, Messi zədə amili istisna olmaqla, hər matçda ən azı 30 dəqiqə oynamalıydı. Argentinalı ulduz Venesuelaya qarşı oynamayıb, lakin ertəsi “Atlanta” (4:0) ilə MLS matçında oynayıb, iki qol vurub və bir məhsuldar ötürmə verib.

Şirkət 38 yaşlı superulduzun meydana çıxmaması səbəbindən milyonlarla dollar itirdiyini iddia edir və zərərin tam ödənilməsini, üstəlik əlavə kompensasiya tələb edir.