Robert Levandovski gələn mövsüm də “Barselona”da oynaya bilər. İspaniya klubunun rəhbərliyi hücumçu ilə müqaviləni yeniləmək fikrindədi.

"Football-plus.az" xəbər verir ki, rəhbərlik 37 yaşlı forvarda maaşın əhəmiyyətli dərəcədə azaldılması şərti ilə birillik müqavilə təklif edib. Polşalı hücumçunun Kataloniya klubundakı gələcəyini müəyyənləşdirən əsas məqam onun baş məşqçi Hans-Diter Flik ilə görüşü olacaq.

Mənbənin məlumatına görə, “Barselona” Levandovskinin cavabını aprelin sonuna və ya mayın əvvəlinə qədər gözləyəcək. Futbolçunun yeni müqavilə üzrə əməkhaqqının indiki ilə müqayisədə təxminən 50 faiz az olacağı bildirilir.

Robert bu mövsüm meydana çıxdığı 37 oyunda 16 qol vurub və 3 məhsuldar ötürmə verib. Onun klubla hazırkı müqaviləsinin müddəti bu yaya qədərdi.