“Mən də vaxtilə Hakimlər Komitəsinin sədri olmuşam. Belə hallarda verilməli olan cəzalar İntizam Məcəlləsinə əsasən tənzimlənir. Orda hansı qayda varsa, ona uyğun cəza tətbiq ediləcək. 26-cı turda gördük ki, təyinat alsalar da, oyunlarda iştirak etmədilər. Hər halda, cəzalandırılmalıydılar. Çünki həm Hakimlər Komitəsinin sədri Rəhim Həsənov səhvi etiraf etmişdi, həm də ictimaiyyətdə narazılıq var idi. Əliyar Ağayevlə Cavid Cəlilovun yoxluğuna gəlincə, bəli, növbəti turlarda hakimlərin işi çətin olacaq. Sadə dildə desək, sayları azdı. Yenə də çempionat oyunlarını idarə etməyə gücləri çatacaq. Yəqin ki, qərar bütün məqamlar nəzərə alınandan sonra verilib. Digər hakimlərin üstünə çox yük düşəcək. Amma onlara inanmalıyıq. Belədə əcnəbi hakimlərə güvənməyin tərəfdarı deyiləm. Öz hakimlərimiz meydanda olmalıdı ki, təcrübələrini artırsınlar. Ümumiyyətlə, əcnəbi hakim arzulayanlar futbolumuzun düşmənidi”.