Bilindiyi kimi, futbol ictimaiyyətini həddən artıq maraqlı, həyəcanlı keçəcək aprel gözləyir.

Belə ki, gələn ay “Qarabağ”ın “Sabah”la üç, “Neftçi” ilə iki matçı olacaq. Premer-liqa görüşləri öz yerində. Əvvəlcə kubok oyunları keçiriləcək. Aprelin 3-də Bizon ölkə kubokunun yarımfinal mərhələsinin ilk oyunları olacaq. Söhbət həm də Tofiq Bəhramov adına Respublika stadionunda keçiriləcək “Qarabağ” – “Sabah” qarşılaşmasından gedir.

“Football-plus.az”ın məlumatına görə, Masazır təmsilçisi bu görüşə itkiylə çıxacaq. Dəqiq desək, İqor Noqeyra cəzalı durumda olduğundan bu oyunda komandasına yardım edə bilməyəcək. “Köhlən atlar”ın isə bu matç üçün cəzalı futbolçusu yoxdu.

Xatırladaq ki, oyun saat 20.00-da başlayacaq.

KƏNAN BAHADIR