''Türkiyə çempionatına gəldikdən sonra çox təəccübləndim. Türkiyə futbolunu səni dayanmadan irəli getməyə vadar edən bir turnir kimi xarakterizə edərdim. Fiziki mübarizə çoxdu. Oyunlar dinamik və sürətli keçir. Templi futbolu çox sevdiyim üçün burdakı oyun tərzi mənə tam uyğundu. 15 milyon avroya ''Beşiktaş''a gəlmişəm. Ona görə də hədəfim 15 qol vurmaqdı. İlk mövsümümdə 15 qol həddinə çatacağım halda burda mənə saat alacaqlarına söz veriblər. Bu da mənim üçün əlavə motivasiyadı. Hər oyunda qol vurmaq üçün əlimdən gələni edirəm. Debüt oyunumda başımın üzərindən akrobatik zərbə ilə qol vurdum. Daha öncə heç vaxt, hətta məşqdə də belə qol vurmamışdı. Məncə, həyatımın ən gözəl qoludu. Düzdü, ''Puşkaş mükafatı''nı qazanacağımı düşünmürəm. Amma ümid edirəm ki, heç olmasa, ''Beşiktaş''da ilin ən yaxşı qolu seçiləcək''.