''Səudiyyə Ərəbistanındakı həyatım bir qədər qarışıq keçir. Hava şərtlərinə hələ də tam uyğunlaşa bilməmişəm. Hem də yaşadığım şəhər sanki kiçik bir qəsəbədi. Burda maraqlı bir şey yoxdu. Amma ən azından futbolun səviyyəsi çox yaxşı olduğuna görə buranı sevirəm. ''Əl-Xulud''un təklifi xüsusilə maddi baxımdan mənə çox maraqlı gəldi. Həm də son mövsümlərdə daimi oyun praktikam olmadığına görə şans qazana biləcəyim bir kluba keçmək istəyirdim. Bu layihə mənə həm çox oynamaq, həm də ''Beşiktaş''dakından daha çox qazanmaq fürsəti verirdi. Yenə də uzun müddət düşündüm. Şərtləri nəzərə aldıqda əlimdə olan ən yaxşı seçim bu idi və onu dəyərləndirmək qərarına gəldim. Gələcəyim haqda düşünməməyə çalışıram. İndi yeganə hədəfim mövsümün sonluğunu maksimum dərəcədə uğurlu keçirmək, statistikamı bir qədər də yaxşılaşdırmaq və komandama fayda verməkdi. Yayda nə olacağını birlikdə görəcəyik. ''Beşiktaş'' böyük klubdu. Karyeramı orda davam etdirməyi düşünürdüm. Çünki ötən mövsüm mənim üçün pis keçməmişdi və bəzi vacib qollar vurmuşdum. Amma bu arzum reallaşmadı. Çünki futbolda hərənin hadisələrə öz baxış tərzi var. Mən hər zaman pozitiv qalmağa çalışıram. İndiki klubum da inkişafıma yardım edir. Amma müqavilə ilə ''Beşiktaş''a məxsusam. Fikrimcə, orda hələ 1-2 il də oynaya bilərdim. Amma orda bəziləri buna imkan vermədi. Yalnız öz xeyirlərini güdərək məni kənarlaşdırmağa üstünlük verdilər. Eybi yox. Futbolda belə şeylər olur. ''Beşiktaş''da son dönəmlərdə rəhbərlik səviyyəsində vəziyyət çox qarışıqdı. Ona görə də mənim üçün işlərin necə gedəcəyini söyləmək çətindi''.