Çempionlar Liqasının pley-off mərhələsində Bakıda keçiriləcək “Qarabağ” – “Nyukasl” qarşılaşmasına bilet satışı davam edir.

Ağdam təmsilçisinin yaydığı son məlumata görə, artıq 27500 bilet satılıb. Klub qeyd edib ki, hazırda məhdud sayda bilet qalıb.

Xəbər verdiyimiz kimi, biletlərin qiyməti 10, 15, 25, 35, 40, 50, 75, VIP sektorlar üçün 200, 250, 300 və 400, VVIP sektorlar üçün 1000 manat təşkil edir. Bəs, hələ bilet ala bilməyən azarkeşlər nə etməlidi?

“Football-plus.az” bildirir ki, hazırda satışda yalnız baha biletlər qalıb. Həmin biletlərin qiyməti 200, 250, 300, 400, 1000 manat təşkil edir. Yəni hansı azarkeş oyuna canlı şahidlik etmək istəyirsə, azı 200 manat xərcləməlidi.

Xatırladaq ki, biletlər yalnız “iticket.az”ın mobil tətbiqi və saytı üzərindən əldə oluna bilər. Sabah Tofiq Bəhramov adına Respublika stadionunda keçiriləcək oyun saat 21.45-də başlayacaq.

KƏNAN BAHADIR