"İki oyun bizə kifayət qədər faydalı oldu" - Rəşad Eyyubov
21 yaşadək futbolçulardan ibarət millimizin baş məşqçisi Rəşad Eyubov təlim-məşq toplanışı çərçivəsində “Şamaxı”ya qarşı keçirilən yoxlama oyunundan sonra fikirlərini bildirib.
"Football-plus.az* xəbər verir ki, o, AFFA-nın mətbuat xidmətinə açıqlamasında 0:1 hesabı ilə uduzduqları matçı belə şərh edib:
“Güclü komandaya qarşı əla oyun keçirdik. Bu, futbolçular üçün böyük təcrübədi. Çünki bir çoxu ilk dəfə belə səviyyəli rəqibə qarşı oynayırdı. Ümumilikdə matçdakı enerjimizdən və konsentrasiyamızdan razı qaldım. Qarşıda bizi çox iş gözləyir. Toplanış dönəmində keçirdiyimiz iki oyun bizə kifayət qədər faydalı oldu”.
Digər xəbərlər
