Krosbi 1900 xal həddini keçdi

MHL-in əfsanələrindən Sidni Krosbi daha bir önəmli nəticəyə imza atdı.

"Football-plus.az" xəbər verir ki, “Pittsburq”un kanadalı hücumçusu komandasının “Sent-Luis”ə 6:3 hesabıyla qalib gəldiyi oyunda 3 (1+2) xal topladı. Sidni həm müntəzəm çempionatı (1701), həm də pley-offu (201) nəzərə almaqla artıq 1902 xal toplayıb. İndiyə qədər MHL tarixində 1900 xal həddini yalnız 6 hokkeyçi keçib. Bunlar Ueyn Qretski, Mark Messye, Yaromir Yaqr, Qordi Hou, Ron Frensis və Stiv Ayzermandı.
Yeri gəlmişkən, “pinqvinlər” 2025/26 mövsümündə keçirdiyi 10-cu oyunda 7-ci qələbəsini qazandı. Bu, “Pittsburq”un 2016/17 mövsümündən bəri ən yaxşı nəticəsidi. Onda Kanada klubu Stenli kubokunu qazanmışdı.