"Futbolçular yaxşı təsir bağışladı" - Kaxaber Sxadadze
“Qəbələ”nin baş məşqçisi Kaxaber Sxadadze Bizon ölkə kubokunun 2-ci təsnifat mərhələsində “Mingəçevir”ə qarşı keçirdikləri oyundan sonra fikirlərini bölüşüb.
"Football-plus.az" xəbər verir ki, o, 5:1 hesablı qələbəyə sevindikləri oyundan sonra klubun mətbuat xidmətinə açıqlamasında bunları deyib:
“Komandamı təbrik edirəm. 3 gündən sonra növbəti oyuna çıxacağıq. Futbolçular yaxşı təsir bağışladı. Oyuna tam konsentrasiya olduq. Bu, mənim üçün çox vacib idi. Bütün qollarımız düzgün qurulmuş kombinasiyalı hücumların nəticəsində vuruldu. Sonradan meydana daxil olan futbolçular da özlərini yaxşı tərəfdən göstərdilər. İndi isə artıq çempionatda növbəti oyunumuza hazırlaşmalıyıq”.
Digər xəbərlər
