Turan Tovuz - Qarabağ (Ağdam) 1:2 (1:0)
1. Oleq Baklov - 5,5
32. Hayderson Uurtado - 5,5
15. Emmanuel Hakman - 5,5
5. Roderik Miller - 5,5
88. Faiq Hacıyev (k) - 5,5
(3. Enrike Silva, 74) - 5,0
19. Roberto Olabe - 5,5
29. Filip Ozobiç - 5,5
(17. Rəhim Sadıxov, 74) - 5,0
23. Alexandro Serrano - 6,0
7. Xorxe Silva - 5,5
21. Aleks Souza - 5,5
(99. Vadji İbrahima, 74) - 5,5
90. Joarlem Santos - 5,5
(11. Ayxan Hüseynov, 83) - qiymətsiz
Ehtiyat oyunçular
41. Sergey Samok
13. Mehman Hacıyev
4. Şəhriyar Əliyev
10. Xəyal Nəcəfov
6. Fərid Yusifli
2. Abdulla Rzayev
77. Veysəl Rzayev
Baş məşqçi: Kurban Berdıyev
Komandanın ən yaxşısı: Alexandro Serrano

99. Mateuş Koxalski - 6,0
2. Mateus Silva - 6,0
3. Sami Mmae - 5,0
(44. Elvin Cəfərquliyev, 46) - 5,5
81. Kevin Medina - 5,5
18. Dani Bolt - 6,0
35. Pedro Bikalyo - 5,5
20. Kadi Borges - 5,5
(6. Kris Kuaku, 90+1) - qiymətsiz
15. Leandro Andrade - 5,5
(8. Marko Yankoviç, 77) - qiymətsiz
10. Abdulla Zubir (k) - 7,0
(11. Emmanuel Addai, 89) - qiymətsiz
21. Aleksey Kaşuk - 5,0
(7. Nəriman Axundzadə, 46) - 6,5
17. Kamilo Duran - 6,0
Ehtiyat oyunçular
1. Şahruddin Məhəmmədəliyev
97. Fabian Buntiç
55. Bədavi Hüseynov
30. Abbas Hüseynov
77. Ramil Şeydayev
13. Bəhlul Mustafazadə
27. Toral Bayramov
Baş məşqçi: Qurban Qurbanov
Komandanın ən yaxşısı: Abdulla Zubir

Qollar: A.Serrano, 40-p. (1:0). N.Axundzadə, 55 (1:1, D.Bolt). A.Zubir, 63 (1:2, K.Duran).
Vərəqələr: A.Serrano, 20 (qeyri-idman hərəkəti). F.Ozobiç, 24 (hakimin qərarına etiraz). S.Mmae, 24 (qeyri-idman hərəkəti). R.Miller, 33 (qeyri-idman hərəkəti). Ş.Məhəmmədəliyev, 81 (hakimin qərarına etiraz) - sarı.
Hakimlər: ELÇİN MƏSİYEV, Elşad Abdullayev, Pərvin Talıbov, Kamranbəy Rəhimov (hamısı Bakı).
VAR hakimi: Kamal Umudlu (Bakı).
VAR hakiminin köməkçisi: Vüsal Məmmədov (Bakı).
Hakim-inspektor: Babək Quliyev (Bakı).
AFFA nümayəndəsi: İlham Əliyev (Bakı).
17 oktyabr. Bakı. “Azərsun Arena”. 1000 tamaşaçı (4677 yerlik).
Hər hissəyə 3 dəqiqə əlavə olunub.
Oyunun qiyməti: 6,5.

"Turan Tovuz"un "Qarabağ"a qarşı oyununun nə ilə nəticələnəcəyi hələ klubun İdarə Heyətinin sədri Ehtiram Quliyev bu mövsüm çempionluq uğrunda mübarizə aparacaqlarını açıqlayandan maraqla gözlənilirdi. Hər halda, hədəf budusa, qarşında məhz "köhlən atlar"ı görmək təbiidi və bu rəqibə "diş göstərməyə” məcbursan. Bəli, "bozqurd" ilk yarıda nümayiş etdirdiyi oyunla azarkeşkərinə böyük ümid bəxş etdi.

Nominal meydan sahibləri hələ 1-ci dəqiqədə hesabı açmağa yaxın idi. Sadəcə, Santos Souzanın qapıya paralel ötürməsinə çata bilmədi. Tovuzluların üstün oyununu davam etdirməsi "Qarabağ"ın rəqibin hələ cərimə meydançasına çatmadan səhvlərə yol verməsinə - gah topu itirməsinə, gah da yöndəmsiz zərbələrlə yadda qalmasına səbəb oldu. Bu ərəfədə həm Duran, həm də Zubir qeydi-dəqiqliyə yol verdi. "Köhlən atlar" yalnız 18-ci dəqiqədə "özünü tapdı". Silva Andradenin ötürməsini qəbul edəndən sonra topu Durana vermək istədi. İş ondadı ki, irəli atılan Baklov "kürə"ni rəqibdən əvvəl qamarladı. Hər halda, "bozqurd"un "cavab atəşi"ni çox gözləməli olmadıq: 20-ci dəqiqədə Batista Serranonun küncdən cərimə meydançasına göndərdiyi topu Koxalskinin seyvi üzündən "çərçivə"dən keçirə bilmədi. "Turan Tovuz"un təzyiqi daha da artırması isə bu komandaya təhlükəli nöqtədən cərimə zərbəsi qazandırdı. 25-ci dəqiqədə topun arxasına keçən Ozobiç bəxtini birbaşa "çərçivə"ni nişan almaqla sınadı ki, Koxalski yerində idi. Bir qədər sonra Kadinin cərimə meydançası daxilində əllə oyunu nominal meydan sahiblərinə penalti qazandırdı. "Nöqtə"yə yaxınlaşan Serrano komandasını fasiləyə hesabda öndə yollayan qolu vurdu.

İkinci hissəyə "Qarabağ" daha fəal başladı. "Köhlən atlar" hələ 47-ci dəqiqədə Kadinin qeyri-dəqiqliyi üzündən fürsəti boşa verdisə, 55-ci dəqiqədə istəyinə çatdı. Daha doğrusu, Duranın sağ cinahdan təşkil etdiyi hücumu Nəriman qolla tamamladı. Gənc hücumçu bunu Boltun cərimə meydançasına ötürdüyü topu incə toxunuşla tora qovuşduraraq bacardı. Ağdam təmsilçisinə hesabda önə keçmək üçün çox vaxt lazım olmadı. 63-cü dəqiqədə daha bir təhlükəli hücum quran çempion Duranın məhsuldar ötürməsi, Zubirin dəqiq zərbəsi sayəsində arxayınlıq tapdı. Xeyli yorğun görünən "Turan Tovuz" qalan vaxtda da rəqibin hücumlarına məruz qaldı. Və Baklov nə Kadinin, nə də Duranın fərqlənməsinə imkan verdi.
Beləliklə, 1-ci pilləyə yüksələn "Qarabağ" azı sabaha qədər zirvədə qalacaq.

Gözdən qaçmadı
* Tovuzlu azarkeşlər komandanı tütək və balaban sədaları altında qələbəyə səslədi. O başqa məsələ ki, onların sayı gözlənilən qədər çox deyildi. Həmçinin tovuzlular "Allah sənə rəhmət eləsin, Yaşar müəllim. Daim böyük Turan ailəsinin qəlbində yaşayacaqsan" sözləri yazılan pankart açmışdı. "İmarət Tayfa" matçın böyük hissəsində sakit olsa da, "Qarabağ" hesabda önə keçəndən sonra "Tək çempion" şüarıyla rəqibə acıq verməyə başladı.
* Matçdan sonra stadionun ətrafında "Ultras Turan"la "İmarət Tayfa"nın üzvləri arasında mübahisə yarandı. Yaxşı ki, polis olaya vaxtında - yumruqlar işə düşmədən müdaxilə etdi
* Komandaların start heyətində yalnız bir azərbaycanlı var idi – Faiq Hacıyev.

KƏNAN BAHADIR