Bernardo Silva İngiltərədən İtaliyaya yollana bilər. “Yuventus” rəhbərliyi “Mançester Siti”nin 31 yaşlı yarımmüdafiəçisinə ciddi maraq göstərir.

AS nəşrinin məlumatına görə, Turin klubu portuqaliyalı futbolçunun 2026-cı ilin yayında “şəhərlilər”lə müqaviləsinin müddəti başa çatdıqdan sonra azad agent kimi transferini planlaşdırır. Silvanın transferi ilə “Benfika” da maraqlanır. Lakin Portuqaliya klubunun futbolçunun maaş tələblərini qarşılamaqda çətinlik çəkəcəyi vurğulanır.

Qeyd olunur ki, yarımmüdafiəçinin İtaliya nəhənginə keçidində onun meneceri Jorje Mendişin “Yuventus” rəhbərliyi ilə yaxşı münasibətlərə malik olmasının mühüm rol oynaması mümkündü.