“Benfika” 70 minə yaxın bilet satdı... - “Qarabağ”ı “cəhənnəm təzyiqi” gözləyir
“Qarabağ” bu gün dolu tribunalar önündə oynayacaq!
“Football-plus.az” xəbər verir ki, Ağdam təmsilçisinin ÇL-nin əsas mərhələsinin ilk turu çərçivəsində “Benfika” ilə qarşılaşacağı matç üçün satışa çıxarılan bütün biletlər satılıb. Bu barədə “qartallar”ın rəsmi saytında məlumat var.
Xatırladaq ki, oyunun keçiriləcəyi “Estadio da Luş” stadionu 68100 yerlikdi. Lissabon təmsilçisi azərbaycanlı azarkeşlər üçün 500 yer ayırıb.
Maraq üçün “Benfika”nin Portuqaliya çempionatının 5-ci turunda “Santa Klara”ya qarşı ev oyununu 59507 azarkeşin izlədiyini xatırladaq. Belədisə, 70 minə yaxın tərəfdar Çempionlar Liqasının oyununa niyə gəlməsin? Görünür, “Qarabağ” bu gecə tarixinin ən ciddi azarkeş təzyiqlərindən birini yaşayacaq...
KƏNAN BAHADIR
