Kapitanı və lideri Uğurcan Çakırı ''Qalatasaray''a satan ''Trabzonspor'' qapıçı mövqeyində yaranmış boşluğu ünlü bir isimlə doldurub.

"Football-plus.az" xəbər verir ki, Trabzon təmsilçisi uzun müddətdi danışıq apardığı ''Mançester Yunayted''in qapıçısı Andre Onananı birilliyə icarəyə götürüb.

Bu transferin maliyyə detalları da açıqlanıb. Qaradənizlilər ''Yunayted''ə icarə haqqı ödəməyəklər. Onanaya bir il üçün 3 milyon 510 min dollar maaş veriləcək. Bundan başqa, ona 1 milyon 755 min dollar imza parası da ödəniləcək. Müqavilədə heç bir daimi transfer və ya şərtə bağlı məcburi transfer maddəsi yoxdu. Buna görə də Onana mövsüm bitən kimi İngiltərəyə qayıdacaq.

Qısaca qeyd edək ki, ''Barselona''nın yetirməsi olan və peşəkar karyerasına ''Ayaks''da start verən 29 yaşlı qapıçı birillik ''İnter'' macərasının ardından 2023-ün yayında 50 milyon avroya ''Yunayted''ə transfer olunmuşdu. Amma onun İngiltərə macərasını uğurlu adlandırmaq çətindi. Türkiyəli qapıçı Altay Bayındırla rəqabətdə qalib gəlməsinə baxmayaraq, tez-tez sadə səhvlərə yol verən Onana mankunianların heyətində 102 rəsmi oyunda forma geyərək yalnız 24 qarşılaşmada qapısını toxunulmaz saxlaya bildi. Onananın indiki transfer dəyərinin 25 milyon avro olduğunu nəzərə alsaq, o, 2025/26-da Türkiyə çempionatının ən bahalı qapıçısı statusunda olacaq!

Onanaya qədər bu statusda olan qapıçı Ederson idi. Bu yaxınlarda ''Fənərbaxça''ya gələn braziliyalı qapıçının dəyəri 20 milyon avrodu. Onana eyni zamanda ''Trabzonspor'' tarixinin də ən dəyərli futbolçusuna çevrilib. Bu klubun buna qədər ən dəyərli oyunçuları 18 milyon avro ilə Simon Banza və Nikolya Pepe idi. Ayağı ilə oynamaq bacarığı ilə tanınan Onana Kamerun yığmasında 48 oyuna çıxıb. Onana ''Trabzonspor'' tarixinin 200-cü əcnəbi və 4-cü kamerunlu futbolçusuna çevrilib. Bu klubda daha öncə bu ölkədən Stefan Mbia, Riqober Sonq və Jan Jak Misse-Misse forma geymişdi. Trabzonda gül-çiçək və izdihamla qarşılanan Onananın ilk sözləri belə olub: