“Xeyr, belə söhbət yox idi. Komandanın problemləri oldu. Hələ də sponsor yoxdu. Klubumuzun yaşaması üçün məsuliyyəti öz üzərimə götürdüm. Büdcə problemimiz var, AFFA verən puldu. Bu büdcə ilə komandanı qurmuşuq, yola çıxacağıq. Sonrakı məsələlərə də yaxınlarda aydınlıq gələcək. Bütün danışıqlarda olan, dəstəyini bizdən əsirgəməyən Futbolun İnkişaf Fondunun (FİF) rəhbəri Tural Piriyevə də minnətdarlığımı bildirirəm. Hər gün yanımızdadı. Onun köməyi ilə 1-ci liqada çıxış edəcəyik. Elnur Abdullayevlə aramda heç bir problem ola bilməz. Bir-birimizi çoxdan tanıyırıq. Elnurun klubda öz işi var, mənim öz işim. O, baş məşqçi kimi meydandakı qərarlarını verəcək. O nə deyəcəksə, elə də olacaq. Siz fikirləşirsiz ki, həm futbolçuyam, həm də prezidentəm deyə... Qərarlar Elnur müəllimə məxsusdu. Kimin oynayıb-oynamaması da onun qərarıdı. Elnur məsləhət görsə, oynayaram, məsləhət görməsə, ehtiyat oyunçular skamyasında oturub komandamı dəstəkləyərəm. Meydana çıxan 11 nəfərin qərarı Elnur müəllimə məxsusdu. Onunla aramda heç bir problem ola bilməz, bu mümkün deyil”.